Tēnei te reo o mihi e rere atu nei ki a koutou kā pou o tō tātou nei whare!
Ka tū kā Manu Kōrero ki Rehua Marae, hai te wiki tuawaru o tēnei wahaka o te tau.
Nāia ētahi kupu patipati, kupu tonotono hai whakamōhio mai koutou me pēhea te tautoko i āu tamariki, mokopuna. Kia tū pakari ai, ā taua wā tonu. 1. Tauparara
Talofa lava, salut, subbah-el-kheir,dia duit, おはよう ございま, ohayoou gozaimasu, tēnā koutou. Mahia kā reo o tēnā, o tēnā. Whākī mai tō ake mita hoki.Nā kā tīpuna o te tamaiti tēnei wāhaka, hai mōhio mai mātou nō hea ia. Aha koa nō tērā wāhi, nō tērā wahi! Pehapeha mai te reo o ōu tupuna.
e.g. Ko tēnei te ruru te koukou mai nei, kīhai i māwhitiwhiti, kīhai i mārakaraka te ūpoko nui o te ruru, terekou! He pō! He pō! He ao! He ao! Ka awatea! 2. Kā Mihi
He pai me he mea kia whakanikoniko, kia whakarākei ake tēnei wāhaka o te kōrero kia tika.
e.g. E te tī, e te tā, kai aku iti, kai aku rahi, mauri ora ki te taioa, mauri ora ki te whaioa, mauri ora ki te ao māram, mauri ora ki a tātou katoa.Tīhei mauri ora! 3. Te pepehā
Nāia tōnā mauka, awa, waka, marae, iwi, hapū, tipuna, tuakana, taina, wai rā hoki. He mea nui tēnei, ko te tumanako he kaha nōna te whākī atu i tōna whakapapa. 4. Te Kaupapa
Kua whakaritia kētia e mātou te nuika o ēnei, ekari ka urua tonutia e ia ētahi atu kupu, rereka kōrero, āhuataka, kīwaha, whakataukī hoki kia whakaniko haere i tōna kōrero… Kai te akomaka mātou e ako tonu i te reo āhuataka o te takata, te mea. Ā, ka mārama te tamaiti i ētahi mea hai tapiri atu, ka tapiri ia. Mēnā he hiahia ōu te tautoko ki tō tamaiti ki te tapiri kupu, me tāpiri. He pai rawa atu tēnei whakaaro ōu.
Nāku iti noa Hākui Livi
Ka tū kā Manu Kōrero ki Rehua Marae, hai te wiki tuawaru o tēnei wahaka o te tau.
Nāia ētahi kupu patipati, kupu tonotono hai whakamōhio mai koutou me pēhea te tautoko i āu tamariki, mokopuna. Kia tū pakari ai, ā taua wā tonu.
1. Tauparara
Talofa lava, salut, subbah-el-kheir, dia duit, おはよう ございま, ohayoou gozaimasu, tēnā koutou. Mahia kā reo o tēnā, o tēnā. Whākī mai tō ake mita hoki. Nā kā tīpuna o te tamaiti tēnei wāhaka, hai mōhio mai mātou nō hea ia. Aha koa nō tērā wāhi, nō tērā wahi! Pehapeha mai te reo o ōu tupuna.
e.g. Ko tēnei te ruru te koukou mai nei, kīhai i māwhitiwhiti, kīhai i mārakaraka te ūpoko nui o te ruru, terekou! He pō! He pō! He ao! He ao! Ka awatea!
2. Kā Mihi
He pai me he mea kia whakanikoniko, kia whakarākei ake tēnei wāhaka o te kōrero kia tika.
e.g. E te tī, e te tā, kai aku iti, kai aku rahi, mauri ora ki te taioa, mauri ora ki te whaioa, mauri ora ki te ao māram, mauri ora ki a tātou katoa.Tīhei mauri ora!
3. Te pepehā
Nāia tōnā mauka, awa, waka, marae, iwi, hapū, tipuna, tuakana, taina, wai rā hoki. He mea nui tēnei, ko te tumanako he kaha nōna te whākī atu i tōna whakapapa.
4. Te Kaupapa
Kua whakaritia kētia e mātou te nuika o ēnei, ekari ka urua tonutia e ia ētahi atu kupu, rereka kōrero, āhuataka, kīwaha, whakataukī hoki kia whakaniko haere i tōna kōrero… Kai te akomaka mātou e ako tonu i te reo āhuataka o te takata, te mea. Ā, ka mārama te tamaiti i ētahi mea hai tapiri atu, ka tapiri ia. Mēnā he hiahia ōu te tautoko ki tō tamaiti ki te tapiri kupu, me tāpiri. He pai rawa atu tēnei whakaaro ōu.
Nāku iti noa Hākui Livi